Tokante nos

Kolegio Strea Briante

Kolegio Strea Briante ta un skol ku ta duna enseñansa spesial na estudiantenan ku tin necesidatnan edukativo espesífiko. Si un estudiante no por sigui (mas) enseñansa den skol basiko regular, e skol aki por manda e estudiante pa un tèst i via Expertisecenter Onderwijs Zorg (EOZ) por haña un referensia pa Kolegio Strea Briante.

Kolegio Strea Briante ta traha basá riba e metafundashonan di SLO-Tule pa idioma Hulandes, rekén-matemátika, orientashon riba bo mes i mundo, orientashon artistiko i enseñansa di movimiento.

Kolegio Strea Briante ta duna forma na e metafundashonan pa medio di brindá enseñansa personalisá na e estudiantenan. Nos idioma di instrukshon ta Papiamentu. Pa esaki nos ta usa e método Fiesta di Idioma i Salto. Ora e estudiantenan ta sufisientemente prepará, nan ta ricibi tambe enseñansa di Hulandes. Burgerschap ta un tema ku ta implementá pa tur grupo di Strea i Grupo 8 ta participá den e proyekto di empresarialidat.

Pa tur estudiante nos ta stremba pa logra e nivel di referensia 1F pa rekén i 1F pa idioma. Pa algun estudiante di Kolegio Strea Briante, e nivel aki no ta posibel riba tur ámbito. Rib'é ta wak pa logra e nivel di abilidat mas haltu posibel riba caminda pa 1F. Kolegio Strea Briante ta tene e ambishon siguiente: nos ta stremba pa logra mínimo e nivel di grupo 6 ku nos estudiantenan.

Tur estudiante na Kolegio Strea Briante tin un OP (OntwikkelingsPerspectief).

Esaki ta wordu skirbi pa EOZ despues ku e mucha a wordu tèstá i plasá na nos skol.

E enseñansa ta wordu organisá di tal manera ku e estudiantenan por sigui un proseso di desaroyo ininterrumpí. Ta adaptá na e progreso den desaroyo di e estudiantenan. Kolegio Strea Briante ta sigui desaroyo di e muchanan pa medio di yudansa di linyanan di enseñansa pa establesé metanan pa e estudiantenan.

De school draagt zorg voor een veilig schoolklimaat, zie het document veiligheidsplan (staat hierin ook hoe de veiligheid en het anti-pestbeleid gemonitord wordt door veiligheidscoördinator, surveillance en informele gesprekken met de leerlingen.

E direktor di Kolegio Strea Briante ta:

Sr. Remsley Nita